დღე- 9 

დადგა ინტელის სამუშაო მეცხრე დღე. ფინიშამდე საკმაოდ ყოჩაღად მივედით. თვალი გადავავლეთ განვლილ რვა დღეს და დავრწმუნდით, რომ დრო ფუჭად არ დაგვიხარჯავს.დავხვეწეთ ტექნოლოგიათა მართვის უნარ- ჩვევები. ვფიქრობ, შედეგმა მოლოდინს გადააჭარბა. დავრწმუნდი, რომ ჩვენს ყოველდღიურ გაკვეთილებს თუ დროის სივრცეში გაწერილი პროექტის მიხედვთ ჩავატარებთ, შედეგი ათასჯერ უფრო უკეთესი იქნება, უფრო მეტიც, ჩვენ გავხდებით 21-ე საუკუნის სრულფასოვანი მოქალაქეების მესაჭეები.შევძლებთ მოსწავლეებს მივცეთ არამარტო საგნობრივი ცოდნა, არამედ ვასწავლოთ საკუთარის სიყვარული, და სხვისის პატივისცემა, რაც გლობალიზაციის უმთავრესი ბერკეტი იქნება.

დღე მე-8
დღევანდელი სამუშაო დღე თითქმის ყველა წევრმა შემართებით დაიწყო. განვიხილეთ მოსწავლის ნაშრომის შეფასების რუბრიკა. გამოვხატეთ ჩვენი შეხედულებები შეფასების დონეებთან მიმართებით.
 დღის მეორე ნახევარი მოვანდომეთ საქაღალდეების შქმნა-შენახვის ტექნოლოგიების გაცნობას. ასევე ვიმუშავეტთ პროექტის მოკლე შინაარსის,განხორციელების დროის, ზოგადი და თემატური შეკითხვების, სასწავლო პროცედურებისა და პროექტის განხორციელებისთვის საჭირო სხვა კომპონენტების დეტალებზე.
  დღე საკმაოდ შრომატევადი, მაგრამ საინტერესო იყო.

დღე-7

დღევანდელი სამუშაო დღით საკმაოდ კმაყოფილი ვარ, რადგან შევძელი დამემსხვრია სტერეოტიპი- ამას მე ვერ შევძლებ! ასე რომ, ვიდრე ვარსებობ, ჩემს არსებობას აზრი უნდა ჰქოღნდეს,თორემ ჩემი სიცოცხლე მკვდარი სიცოცხლე იქნება, ამას სიკვდილი სჯობს!

დღე-მე-6
მართალია, ბარათაშვილი ამბობს, სასაცილოა ბერიკაცი რომ ყმაწვილობდესო, მაგრამ დღეს მე, პენსიონერმა მასწავლებელმა, ჩინებულად მოვირგე ყმაწვილის როლი და მისი თვალით შევაფასე , რამდენად აქტუალურია დღეს სიმართლისათვის თვალის გასწორება.დავფიქრდი, რით შეიძლება დავეხმარო და დავაკვალიანო მოსწავლე, რომ მოვუხსნა შიშისა და უხერხულობის გრძნობა. აქტიურად ჩავრთო პროექტში-მათალს ვიტყვი!მივიყვანო იმ დასკვნამდე, რომ სიმართლის თქმა ყველა დროსა და ეპოქაში აქტუალური თემაა. იგი აუცილებელია საზოგადოებრივი პროგრესისათვის.
   ასე რომ დღევანდელი მოდული საკმაოდ ნაყოფიერი და სასიამოვნო იყო.

დღე-5

რეფლექსია

დღევანდელმა ტრენინგმა დამარწმუნა, რომ შეფასების ტრადიციული კრიტერიუმი თანამედროვე რუბრიკებით უნდა შეიცვალოს. განსაკუთრებით მომეწონა დროში გაწერილი პროექტის გეგმა. ასეთი სამუშაო მოსწავლეებს განუვითარებს კვლევა-ძიების, ლოგიკური აზროვნებისა და დასკვნების გამოტანის უნარ-ჩვევებს, რაც აუცილებელია 21-ე საუკუნის სრულფასოვანი მოქალაქის ჩამოსაყალიბლებლად. ასე რომ, თუ მარჯვე მხედარივით ავიღებთ ხელში მოსწავლეთა მუშაობის მართვის სადავეს, ფინიშთან ყოველთვის დროულად და წარმატებით მივალთ.

დღე-4

რეფლექსია

სამუშაო დღე საკმაოდ  დატვირთული იყო. ჯგუფთან ერთად მიმოვიხილეთ საგნობრივი სტანდარტები და ინდიკატორები. ესგ-დან შევარჩიე ჩემთვის საჭირო ინდიკატორები და გადმოვიტანე პროექტის გეგმაში,რამაც ხელი შემიწყო ტექნოლოგიის უფრო სწრაფ და ოპტიმალურ გამოყენებაში.

დღე-3

 რეფლექსია

წარმოვადგინე ბუკლეტის ნიმუში ,, მართალს ვიტყვი,შევიქმნები ტყუილისა მოამბე რად,, ჯგუფის წევრებმა შეაფასეს ნამუშევარი. ხაზგასმით აღვნიშნეთ, რომ კვლევითმა სამუშაომ მოსწავლეს უნდა განუვითაროს კომუნიკაციის, დასკვნის გამოტანისა და სასურველი თემის პოპულარიზაციის უნარი .