დღე-5

რეფლექსია

დღევანდელმა ტრენინგმა დამარწმუნა, რომ შეფასების ტრადიციული კრიტერიუმი თანამედროვე რუბრიკებით უნდა შეიცვალოს. განსაკუთრებით მომეწონა დროში გაწერილი პროექტის გეგმა. ასეთი სამუშაო მოსწავლეებს განუვითარებს კვლევა-ძიების, ლოგიკური აზროვნებისა და დასკვნების გამოტანის უნარ-ჩვევებს, რაც აუცილებელია 21-ე საუკუნის სრულფასოვანი მოქალაქის ჩამოსაყალიბლებლად. ასე რომ, თუ მარჯვე მხედარივით ავიღებთ ხელში მოსწავლეთა მუშაობის მართვის სადავეს, ფინიშთან ყოველთვის დროულად და წარმატებით მივალთ.

დღე-4

რეფლექსია

სამუშაო დღე საკმაოდ  დატვირთული იყო. ჯგუფთან ერთად მიმოვიხილეთ საგნობრივი სტანდარტები და ინდიკატორები. ესგ-დან შევარჩიე ჩემთვის საჭირო ინდიკატორები და გადმოვიტანე პროექტის გეგმაში,რამაც ხელი შემიწყო ტექნოლოგიის უფრო სწრაფ და ოპტიმალურ გამოყენებაში.

დღე-3

 რეფლექსია

წარმოვადგინე ბუკლეტის ნიმუში ,, მართალს ვიტყვი,შევიქმნები ტყუილისა მოამბე რად,, ჯგუფის წევრებმა შეაფასეს ნამუშევარი. ხაზგასმით აღვნიშნეთ, რომ კვლევითმა სამუშაომ მოსწავლეს უნდა განუვითაროს კომუნიკაციის, დასკვნის გამოტანისა და სასურველი თემის პოპულარიზაციის უნარი .

დღე-2

რეფლექსია

ჯგუფის წინაშე წარვადგინე დავალება- პროექტი იდეის დონეზე.გათვლილი მქონდა თემა, მიზანი, შედეგი. ჯგუფის წევრებმა პროექტის მონახაზი მოიწონეს, რამაც მომცა სტიმული მომდევნო დღეებთან დაკავშირებით.სამუშაო დღის მეორე ნახევარში გავეცანი ბუკლეტისა და საგაზეთჯ სტატიების შაბლონებს. დღემ სასიამოვნოდ ჩაიარა.

დღე-1

რეფლექსია

დიდი გამოცდილების მიუხედავად,ვცდილობ, გავეცნო ისეთ ტექნოლოგიებს , რომლებიც უპასუხებენ ესგ-ს თანამედროვე მოთხოვნებს და საინტერესოს გახდიან მოსწავლისათვის გაკვეთილს. ამ განწყობით მოვედი ინტელის ტრენინგზე. პირველმა დღემ ჩემი მოლოდინი გაამართლა. ვიმედოვნებ, მომდევნო დღეებიც საინტერესო იქნება.